خطوات الاستثمار في البورصة المصرية

الجمعة 07 أغسطس 2020 10:48م

Ahmed Moaty

دعونا نبدأ بكيفية فتح حساب في البورصة المصرية في نقاط محددة ..ثم سنتحدث عن كل خطوة بمفردها

الا ننتقل للحديث عن كل نقطة بالتفصيل فأول خطوة تحدثنا عنها وهى ان يجبان يكون لديك علم وخبرة بسوق المال عشان تقدر تاخد قرارات شراء وبيع سليمة وهنا تعتبر هذه اهم نقطة لكى تستطيع ان تربح وهنا تأتي المشكلة التي تواجه الكثير من المتداولين اول ما يقررون الاستثمار في البورصة بيكون لديهم حلم انهم حيحقووا الثراء السريع وبينسوا خالص انهم يهتموا بتعلم المجال برغم ان لمصادر متاحة فستجد كتب ممتازة ستضعك على بداية الطريق في موقع البورصة المصرية www.egx30.com.eg بالاضافة ان ادارة البورصة بتعمل دورات تدريبية في الجامعات واطلقت مؤخرا برنامج تدريبي على صفحتها على الفيسبوك وايضا انا معاكم في اى استفسارات على صفحاتي على السوشيال ميديا..ولا ننسى اننا في عصر الانترنت فأبحث في اليوتيوب وجوجل حتلاقي مصادر كتيرة للتعلم... الخطوة الثانية انك بتختار شركة وساطة وستجد اسامي وعناوين الشركات على موقع البورصة المصرية...

ولكن على اى اساس اختار الشركة .. بالتأكيد لن ارشحلك شركة بعينها ولكن حساعدك بكيفية اختياري للشركة .. فأكثر ما ابحث عنه ان تكون الشركة لديها تداول الكتروني لكى استطيع ابيع واشتري الاسهم من على الموبايل او اللابتوب او من اى مكان ايضا بيهمني جدا خدمة العملاء وسرعة ردها ولا اهتم بقيمة العمولة في حالة وجودي لتداول الكتروني وخدمة عملاء ممتازة . ولكن في شخص تاني بيهتم ان تكون العمولة قليلة وان الشركة تكون مكاتبها قريبة منه..

فالموضوع بيختلف من شخص لشخص المهم ان الشركات موجودة ومرخصة من البورصة المصرية وتستطيع التأكد من وجودها في قائمة الشركات في موقع البورصة المصرية نأتي لثالث خطوة حتذهب لمقر شركة الوساطة التي قمت بأختيارها وستمضى عقد التداول وهو عبارة عن عقد بينك وبين شركة السمسرة.. رابع خطوة وهى التكويد وهذا رقم الكود الخاص بيك في البورصة المصرية والذتي تكون كل معاملاتك عن طريقه من شراء وبيع وغيره وهو شركة السمسرة هى من تقوم باحضاره ليك وبتسلمهولك خامس خطوة وهى الايداع..

وهنا حضرتك شركة الوساطة بتديك ارقام حساباتها في عدة بنوك مصرية لكى تقوم بايداع المبلغ الذي تود استثماره مع العلم ان ليس من الضروري ان يكون لديك حساب في نفس البنوك وانصحك ايضا ان لا تضع كل اموالك في البورصة فيجب ان ببدأ بمبلغ صغير لكى في حالة الخسارة تقدر تدخل مرة اخرى او على الاقل ان لا تكون خسارتك كبيرة كما يفضل دائما ان يكون دخولك بمبلغ فائض عن حاجتك وهذا سيجعلك هادي نفسيا وانت تستثمر..سادس خطوة شركة الوساطة بتعبتلك اليوزر والباسورد على اميلك في حالة انك حتنفذ الاوامر من خلال البرامج اون لاين .. وهنا حضرتك بقيت ختستطيع ان تشتري وتبيع اسهم في البورصة المصرية.

وكما لاحظتم الموضوع بسيط وسهل جدا وملخصه ان حضرتك حتختار شركة الوساطة وهى حتساعدك وتنفذلك بقية الخطوات..

نأتي للمستندات التي تطلبها شركات الوساطة.. فلو حضرتك فوق 21 سنة يكون المطلوب بطاقتك الشخصية فقط اما في حالة انك اقل من 21 سنة فبتقدم الطلب من خلال ولي امرك مثلا الوالد.

ننتقل الان لسؤال اخر ومهم هل البورصة المصرية مربحة.. احب اوضح لحضراتكم ان البورصة هو مجال مثل اى مجال في الدنيا فيه مكسب وفيه خسارة وفي ناس بتكسب كتير وناس بتكسب قليل ونفس الموضوع في الخسارة.. طيب ليه بنسمع كتير ان في ناس خسرانة في البورصة.

السؤال ده لما حد بيسألهوني دايما اقوله سؤالك اصلا غلط لان شئ طبيعي ان تبقا في ناس خسرانة في البورصة زى اى مجال في الدنيا فيه خسران وفيه كسبان...

ولكن المهم الان والي حابب اوضحه طبعا البورصة المصرية مربحة ودايما انا بنصح في الاستثمار فيها خاصة ان السهم هو ملك ليك وبيخليك شريك في الشركة ومن مميزات الاستثمار في البورصة ان مكسبك بينقسم لقسمين الأول الأرباح التى تقوم الشركة بتوزيعها على مساهميها وده بيبقا في صورة كوبون، وثانيا العائد الرأسمالى وهو الفرق بين سعر البيع وسعر الشراء للسهم....

وفي حالة انك لا يوجد لديك وقت كافى أو الحد الأدنى من الخبرة لاختيار ومتابعة حركة الأسهم فهنا انصحك بالاستثمار فى صناديق المؤشرات المتداولة كأداة استثمارية طويلة الاجل.